Оқиға 10 ақпан күні сағат 12.59-да Мұхит көшесі бойында болды.
Орал қаласында орталық базар маңында №1 бағытта жолаушылар тасымалдайтын «ГАЗель» автобусы өртенді, деп жазады КТК арнасы.
БҚО ТЖ департаментінің баспасөз қызметінен мәлім еткеніндей, оқиға 10 ақпан күні сағат 12.59-да Мұхит көшесі бойында болды.
«Автобус аялдамасы жанында «ГАЗель» автокөлігі жанды. «Тілсіз жау» сағат 13.10-да оқшауланып, 13.14-те ауыздықталды. Зардап шеккендер жоқ. Оқиға орнында 5 адам 1 техникамен жұмыс жасады. Қазіргі кезде өрттің шығу себебі, келтірілген шығын анықталу үстінде», деп хабарлады ведомстводан.
