Оқиға куәгерлеріне іздеу салынды.
ERNUR.KZ. Павлодарда балабақша маңында қызға тиіскен ер адам іздестіріліп жатыр, деп жазады azattyq-ruhy.kz.
Әлеуметтік желіде әйел адам № 43 және № 34 мектептердің аумағында қызына шабуыл жасалғаны жайлы жазған.
«Лермонтов көшесі, 99 мекенжайы бойындағы балабақшаның қасында болған оқиғаның куәгерлерін іздестіреміз. Оған көмек көрсеткен ақ Land Cruiser мінген ер адам хабарлассаңыз», – деп жазды хаттың авторы.
Облыстық полиция департаментінде аталған факті Павлодар қаласының полиция басқармасы Солтүстік бөлімшесінде тіркелгенін хабарлады. Ер адамды анықтау бойынша іздеу шаралары жүргізіліп жатыр.
