Бұған дейін мұғалім оқушы қыздың ата-анасынан кешірім сұраған болатын.
ERNUR.KZ. Павлодарда сабаққа киіп келген киімі үшін алтыншы сынып оқушысын қорлаған мектеп директоры жазаланды, деп жазады Tengrinews.kz.
Павлодар қаласының білім беру бөлімі мәліметінше, оқушылар алдында алтыншы сынып оқушысын джинсы кигені үшін қорлаған мектеп директоры сөгіс алған.
"Іс аяқталды. Барлық тарап тыңдалды. Ішкі тергеу нәтижесі бойынша мектеп директорына сөгіс жарияланды", - деді Tengrinews.kz тілшісіне Павлодар білім басқармасы өкілдері.
Бұл жерде мектеп оқушысының анасының мектеп директорына ешқандай шағымы жоқ екені айтылды.
"Баланың анасының айтуынша, бұрынғы күйеуінің әлеуметтік желілерде айтқан әңгімесі асыра айтылған. Негізінде баланың жылап, келгені жалған. Баланың анасы білім бөлімінің басшысында болды, сол кезде бәрі анықталды. Ол қызының жағдайы жақсы екенін айтты", - деді Павлодар қалалық білім бөлімінің баспасөз қызметі өкілі.
Бұған дейін мұғалімнің оқушы қыздың ата-анасынан кешірім сұрағаны хабарланған болатын.
