Жалған ақпарат таратқаны үшін қылмыстық жауапкершілік қарастырылған.
Алматыдағы полиция қызметкерлері жер сілкінісі туралы жалған ақпарат таратушыларды іздестіріп жатыр, деп хабарлайды ERNUR.KZ.
Құқық қорғау органдары кеше түнде қоғамда негізсіз дүрбелең мен үрей тудырған жалған хабарлардың авторларын анықтап жатқанын айтты.
"Жалған ақпарат таратқаны үшін қылмыстық жауапкершілік қарастырылған", - деп ескертті Полиция департаменті.
Тәртіп сақшылары азаматтарды тек ресми ақпарат көздерінен алынған ақпаратқа сенуге шақырды.
Еске салайық, 23 қаңтарда Алматыда жер сілкінісі болды. Қазақстан Республикасы Төтенше жағдайлар министрлігі "НТЦСН и И" сейсмикалық станциялар желісі Алматы уақыты бойынша сағат 2024 жылғы 23 қаңтарда сағат 00:09:02-де (2024 жылғы 22 қаңтарда Гринвич бойынша 18 сағат 09 мин 02 сек) жер сілкінісі тіркелгенін хабарлады. Жер сілкінісі MSK-64 шкаласы бойынша Алматыда 5 балл, Шымкент 2 балл болып сезілген.
