Ресей президенті олимпиада чемпионымен күресіп, жарақат алып қалды

0
310

РФ президенті Владимир Путин Сочиде дзюдошылармен жаттығу жасады


Ресей президенті олимпиада чемпионымен күресіп, жарақат алып қалды

ERNUR.KZ. Ресей президенті Владимир Путин Сочиде дзюдошылармен жаттығу жасап жүріп, саусағын жарақаттап алды. Оқиға Ресейдің мемлекеттік басшысы олимпиада чемпионы Беслан Мудрановпен күресіп жатқанда болған, деп жазады sputniknews.kz.

Жарақатын пластырьмен таңып берген соң, президент жаттығуды жалғастырған. Кейін спортшылармен тілдесіп, суретке түсті. Ресей президенті Сириядағы ахуалды реттеу Астаналық процесінің кепіл елдері басшыларының арасындағы үш жақты кездесуден кейін "Юг" спорттық кешеніне барып жаттықан.

Естеріңізге сала кетсек, Сочиде осымен төртінші рет өтіп отырған Ресей, Түркия және Иран басшылары қатысқан саммитте Путин мәлімдегендей, Сириядағы ахуалды реттеуге болады, ол үшін бірауыздан әрекет етіп, мәмілеге келу қажет. Мемлекеттердің басшылары саммит аясында екі жақты кездесулер өткізді.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет