Олар медициналық мекемеде ем қабылдап жатыр.
ERNUR.KZ. Шығыс Қазақстан облысында бірнеше күн бойғы қатты аяз салдарынан суықта қалған адамдар медициналық мекемелерге жеткізіліп жатыр, деп жазады azattyq-ruhy.kz.
YK-news жазуынша, екі адам қатты тоңып, дене қызуы төмендеп кетсе, тағы бір адамды үсік шалғаны анықталды.
«8 желтоқсаннан бері жедел жәрдем көліктері медициналық мекемеге үш адам жеткізілді. Соңғысы ауруханаға жатқызылды», - делінген облыстық денсаулық сақтау басқармасының хабарламасында.
Көбінесе науқастар мұрын, бет және құлақ үсуі себептерімен ауруханаға түсіп жатыр.
Үсік шалудың негізгі белгілері: тері бозарып, сезімталдығын жоғалтады, ауырсыну пайда болады.
«Суық ауа райында балалар ерекше бақылауды қажет етеді. Балалардың ересектерден айырмашылығы, олар үсік шалу белгілерін сезіне бермейді» , - деді облыстық мамандандырылған медициналық орталықтың травматология бөлімінің меңгерушісі Рафаэль Гафуров.
