Мұнда ыстық күндері тіпті терезелерді де ашу мүмкін емес екен.
ERNUR.KZ. Павлодарда тұрғындар өндіріс қалдықтарын жағатын жергілікті кәсіпорынан шығатын сасық иіске төзудің мүмкін емес екенін айтып, шағымдануда. Тұрғындар тіпті көшуге мәжбүр болуда, алайда үйлерін сата алмай әлек, деп жазады Stan.kz.
Дегенмен экология департаменті зауыттың барлық стандарттарға сай екенін алға тартып отыр.
Тұрғын Ажар Әлжанованың айтуынша аймақ ет комбинатына өте жақын тұрады. Мұнда ыстық күндері тіпті терезелерді де ашу мүмкін емес екен. Тіпті жаңадан жуылған киімді қалаға кептіруге апаруға тура келеді екен.
“Біз мұнда ұзақ уақыттан бері тұрамыз. Бұрын мұндай иіс болмаған, қазір тіптен шыдау мүмкін емес. Балалар кешке көшеге шыққысы келмейді. Ал кір жуудың өзі мәселеге айналды. Кірді кептіретіндіктен, ол табиғи түрде иісті сіңіреді. Сондықтан кір жуу үшін не қалаға бару керек не бізде кір жуушылар бар соларға өздері кептіретіндей етіп апаруға тура келеді”, – деді Ажар Әлжанова.
Ауыл тұрғындарының айтуынша, бұл мәселемен бір жылдан астам күресіп келеді. Жағымсыз иістің екі негізгі көзі бар - бұл ауылдан екі шақырым жердегі фильтрация алаңдары және Ленинскийдің өзіндегі ет-сүйек цехы. Ол жерде қоқысты жаға бастағанда, адамдар қайда барарын білмей дал болады.
“Шағын аудан тұрғындары бұл иістен шаршады. Бір жылдан асты. Балалар ойнай алмайды, қарттардың басы ауырады. Мәселен, осы ауданның тұрғындары басқа ауданда тұру үшін үйлерін арзанға сатқысы келеді”, – деді Қанат Мекебаев
Экология департаменті зауытты тексеріп, ешқандай заң бұзушылық анықтаған жоқ деп отыр. Халыққа жиналып, ұжымдық үндеу жазуға кеңес берілді. Содан кейін ғана шенеуніктер жоспардан тыс тексеру жүргізе алады.
“Бұл нысанға өтініштер түскен жоқ. Өздеріңіз білетіндей, тексеру қызметі жеткілікті негіздер қажет болған жағдайда Кәсіпкерлік кодекспен реттеледі. Олар зауытты ауылдан көшіруді талап етуде”,- Павлодар облысы экология департаментінің мемлекеттік экологиялық бақылау басқармасының басшысы Жомарт Кәрімов
Әзірге тұрғындар сұмдық иісті қалай жоюға болатынын ойлап жатыр. Ал олар зауытты ауылдан көшіруді талап етуде.
