Бүгінгі таңда отырғызылған көшеттердің саны 60 590 бірлікті құрайды.
Шымкент қаласында 200 мың түп қарағаш егу жоспарлануда, деп хабарлайды ERNUR.KZ.
Биыл жыл басынан бері Шымкентте «Жасыл белдеуді» дамыту бойынша жалпы ауданы 195 гектар учаскеде 97 500 көшет отырғызу жоспарланған болатын. Бүгінгі таңда отырғызылған көшеттердің саны 60 590 бірлікті құрайды. Күзгі отырғызу кезеңінде жалпы ауданы 162 гектар аумақта сексеуіл тұқымын егу және 100 гектар аумақта 200 мың қарағаш егу жоспарлануда.
Шымкент қалалық жайлы ортаны дамыту басқармасының мәліметінше, қала бойынша 38 жер қойнауын пайдаланушы бар. Оның ішінде 20 жер қойнауын пайдаланушы тұрақты жұмыс жасайды. 18 жер қойнауын пайдаланушының 9-ы бойынша рекультивациялау туралы сот шешімі алынды. 5 жер қойнауын пайдаланушы бойынша рекультивациялау талап етілмейді, ал қалған 4 жер қойнауын пайдаланушы бойынша істі сотқа беру бойынша жұмыстар жүргізілуде.
Сондай-ақ, егістік жерлерді суару каналдарының су өткізу қабілетін жақсарту мақсатында ағымдағы жылы мемлекеттік – жекешелік әріптестік шеңберінде жалпы ұзындығы 131 шақырым құрайтын 18 каналға механикалық тазарту жұмыстары жүргізілді.
Каналдардың бойында орналасқан елді мекендер арасында санитарлық қауіпсіздікті қамтамасыз ету мақсатында ағымдағы жылы жалпы ұзындығы 100,6 шақырымды құрайтын 9 каналды санитарлық тазалау бойынша жұмыстар жүргізілуде.
Қаланың ауыл шаруашылығы тауар өндірушілерін сумен қамтамасыз ету деңгейін арттыру мақсатында 3 каналға (Сайрам су оң жағалау, Көк, Чумчак) күрделі жөндеу бойынша жұмыстар атқарылды.
