Головкин мен Мартиросян Карсондағы (АҚШ) StubHub Center аренасында 6 мамыр күні таңертеңгі сағат 9.00 шамасында рингке шығады.
Екі күннен кейін орта салмақ дәрежесінде WBA Super, WBC, IBF және IBO нұсқасында әлем чемпионы Геннадий Головкин мен америкалық Ванес Мартиросян арасындағы жекпе-жек Ұлыбритания мен Ирландия аумағында тікелей эфирден көрсетіледі, деп хабарлайды ERNUR.KZ. Baq.kz сайтына сілтеме жасап.
BoxNation телеарнасы аталған екі ел аумағында жекпе-жекті эксклюзивті трансляциялау құқығын сатып алды. Алайда Қазақстан аумағында қандай теларнадан көрсетілетіні туралы ақпарат жоқ. «Қазақстан», «Хабар», «Қазспорт» теларналарының бағдарлама кестесінде де жекпе-жек көрсетілімі жазылмаған.
Еске сала кетсек, Головкин мен Мартиросян Карсондағы (АҚШ) StubHub Center аренасында 6 мамыр күні таңертеңгі сағат 9.00 шамасында рингке шығады.
Айта кетейік, бүгін АҚШ-тың USA Today күнделікті газеті Геннадий Головкиннің америкалық боксшы Ванес Мартиросянмен жұдырықтасқаны үшін қанша табыс табатынын жариялады.
