Кездесу 2021 жылы 23 қаңтарда өтеді.
ERNUR.KZ. UFC ұйымы Конор Макгрегор мен Дастин Порье арасында жекпе-жек өтетінін растады. Бұл туралы промоушеннің Instagram-парақшасында жазылды, деп жазады Tengrinews.kz.
Кездесу 2021 жылы 23 қаңтарда БАӘ-дегі "Жекпе-жектер аралында" өтеді. Жекпе-жек UFC 257 турнирінің басты кездесуі болады. Бұған дейін екі спортшының жекпе-жек бойынша келісімшарт жасасқаны хабарланған болатын.
Басында Макгрегор мен Порье жекпе-жекті UFC-ден тыс өткізбек болған. Файтерлер қайырымдылық кеші аясында кездесу туралы келіскен, бірақ кейін бұл жекпе-жекке промоушен араласты.
Айта кетейік, Макгрегор мен Порье 2014 жылы UFC аясында жекпе-жекке шыққан. Сол кезде ирландиялық файтер бірінші раундта нокаутпен жеңіске жеткен болатын.
