Ажарыңыздың айқындап тұратын шиедей ерін екен. Ал, оның түсін маусым сайын өзгерту керектігін мамандар ескертеді.
суреттер: ашық дереккөзден
Екі маусымды артқа тастап, жаз мезгілі де келді. Жайдары жаздың күнінде жаңа имидж қалыптастыру үшін, опа-далаптың түсін өзгертуі де ерекшелік алып келетіні анық. Сондықтан да, жаздың күні ерекше киініп қана қоймай, далабының түсін өзгертуіді стилисттер кеңес етеді. Ал, 2019 жылы қандай түстегі далаптар сәнде болды?
Тек қана жаздың ғана емес, толық маусымның түрлі сәндегі түстерін зерттеп, зерделеп көрдік. Біздің ұсынған кеңестерімізді өзіңіздің талғамыңызбен ұштастырып көріңіз, өкінбейтініңіз анық.
Жаз мезгіліне жеміс –жидектердің түсі
Ашық қызғыт түстер жаздың жайсаңдығына сәйкес келіп тұрғандай көрінеді. Сондай-ақ, бұл түстер жасандылықтан аулақтатып, табиғи сұлу етіп көрсетеді.
Жарқырап көрінетін таңқурай, құлпынай және де шабдалы түстері мен дәмдері бар далаптар сізді әсемдігіңізді көрсетіп қана қоймай, өзіңізге деген сенімділікті арттырып, жан-жағыңыздағылар ерекше комплимент айтары сөзсіз.
Сондай-ақ, түссіз жылтыр далаптардың да жаз мезгіліне дәлме-дәл келетінін ұмытпағайсыз. Қай жерге барсаңыз да таңдауды қажет етпейді.Тіпті, киімнің түсін де таңдамайды. Шомылуға барсаңыз да, жұқалатып жағып алуға болады.
Күзде шоколадты түстер ерекше көрінеді
Қыркүйектің алғашқы күндерінен-ақ, далаптарыңыздың түсін қоюлата түскеніңіз дұрыс. Күлгін түс "күздің сиволы" деп атаған екен косметологтар. Сондақтан да, күлгін түсті далаппен ортаңыздың сәніне айналсаңыз болады. Ал, дәл осы жылы сәнге қосылған шоколадты түс күз мезгіліне дәлме-дәл келеді. Байқап көріңіз, мүмкін сіздің ажарыңызды ашып, сұлуландыра түсер, бәлкім.
Қыс пен көктемнің көркі - қызыл және күлгін түстер
Кербездігіңіз бен келісті келбетіңіздің қалпын көрсеткіңіз келсе, қанық қызыл түсті далапты таңдаңыз. Еуропалықтар бұл түстегі далаптарды елге бір нәрсені дәлелдегісі келгенде ғана жағатын көрінеді. Яғни, ерініңде қызыл түсті далап болса, өзіңе деген сенімділікті білдіретін көрінеді.
Күннің көзі салқындаған сәтте ашық түстер сіздің талғамсыз етіп көсетері анық. Сондықтан да, далапты мезгілімен таңдағандамамандардың кеңесіне бір үңілгеніңіз абзал.
Дайындаған: Г.Әмірәлі
Тағы оқыңыз:
Бетіңіздегі ДАҚТЫ кетіруге КӨК ШАЙ көмектеседі
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
