Салбыраған БЕТ ТЕРІСІН үш аптада «ТАРТАТЫН» 3 маска

0
6 336

Бұл үш маска ботокстан кем түспейді. Үшеуін де әркім үй жағдайында жасай алады. Сонымен қатар, үш маска да барлық адамға қолжетімді.


Салбыраған БЕТ ТЕРІСІН үш аптада «ТАРТАТЫН» 3 маска

Әйел өмірінде қай іске көп уақыт жұмсайды десе, мен айнаға қарауға деген болар едім. 30 жасқа дейін сұлулығына тамсанып айнаға жиі қараса, ал 30-35 жастан соң байқала бастаған әжім іздеріне маска жасап айна алдында ұзақ отырады. Сіз қайсысына жатасыз?

Егер, жасыңыз 30-дан асып, сізді әжім ғана емес, босаңси бастаған бет пен мойын терісі де ойландыра бастаса, косметолог мамандар мынандай маскаларды қолдануға кеңес береді.


1-ші МАСКА: Бірінші масканың ерекшелігі – бет терісін тартуға арналған масканы таңертең дайындайсыз, кешке қолданасыз.

Сізге керекті заттар: зығыр дәні, бір стақан қайнаған су және қағаз майлық.

Дайындау тәсілі: 1 шай қасық зығыр дәніне 1/3 стақан немесе 70 мл қайнаған су құйып, бірер минут шайқаңыз. Содан кейін қағаз майлықпен бетін жауып, кешке дейін тұндырыңыз.

Қолдану әдісі: Кешке, бетті және мойынды жуып, макияждан тазартып, мақта тампонмен таңертең дайындалған тұнбаны жағасыз. Бірінші жұқалап жағыңыз, ол кепкен соң, тағы да бір қабат жағу керек. Осылайша 5 рет қайталаған дұрыс.


2-ші МАСКА: Бұл маска ботокстен кем емес.

Сізге керекті заттар: картоп крахмалы мен су ғана.

Дайындау тәсілі: 1 ас қасық ұнтақ крахмалды 100 мл салқын суға салыңыз. Оның үстінен осы мөлшерде қайнаған ыстық су құйып араластырыңыз. Баяу отқа қойып қоюланғанша қайнатыңыз. Оттан түсіріп, 5 ас қасық жаңадан сығылған сәбіз шырыны мен 1 ас қасық қаймақ қосыңыз. Жақсылап былғап араластырыңыз.

Қолдану әдісі: Тазаланған бет пен мойын терісіне жағыңыз. 25 минуттан кейін жылы сумен жуыңыз. Бұл масканы аптасына 2-3 рет қолдануға болады.


3-ші МАСКА: Қайнатылған картоп пен жұмыртқаның сары уызы да өте үнемді және тиімді масканың бірі. Бұл маска теріні тартып қана қоймайды, сонымен қатар нәрлендіреді және ағартады.

Сізге керекті заттар: 1 дана картоп және 1 дана жұмыртқа.

Дайындау тәсілі: Картопты қайнатып, қабығынан тазартып, езу керек. Оған жұмыртқаның сары уызын қосып араластырады.

Қолдану әдісі: Жылы күйінде бет пен мойын терісіне жағады. Толық суығанша бетте ұстайды да жуып тастайды. Аптасына 2-3 рет жасауға болады.


Ескертетін ҮШ жайт:

1.Бетіңізге масканы жаққаннан соң, күлуге, ашулануға, сөйлеуге болмайды. Яғни, мимикалық қимыл жасамауға тырысыңыз.

2.Бетіңізді қайнаған жылы сумен жуып, түнге арналған крем жағыңыз.

3.Бұл мойныңыз бен бетіңіздің салбыраған терісін тартуға арналған процедураларды 12-15 күн қабылдау керек.

Бұл маскаларды неғұрлым уақытылы жасайтын болсаңыз, нәтиже де соғұрлым жылдам байқалып, әжімдер мен тері қатпарлары тартылып жатқанын өзіңіз-ақ аңғаратын боласыз. Тек масканы жуғанда қолыңызбен теріні қатты ысқыламауға тырысыңыз. Сондай-ақ түнде ұйықтағанда мейлінше шалқаңыздан жатуға тырысқаныңыз абзал. Бір бүйірмен жату және биік жастық теріде әжімнің ерте пайда болуына ықпал етеді.

(суреттер ашық дереккөздерден алынды)

Дайындаған: Ж. Нұрабайқызы

ERNUR.KZ


Тағы да оқыңыз:


МҰРТ пен ҚОЛТЫҚ түгінен біржолата құтылуға болады


Корей қыздарының шаш күтіміндегі құпиясы


Тері күтімі: Қартаюға қарсы сусындар



Пікір қалдыруыңыз үшін сайтқа кіруіңіз қажет