Барлық ұрлықтар бір схемаға сәйкес шабуылдаулармен жүргізілген.
Бірнеше дүкенге ұрлық жасаған сұғанақтар қолға түсті, деп хабарлайды ERNUR.KZ. otyrar.kz сайтына сілтеме жасап.
ОҚО-да полиция қызметкерлері дүкендерде ұрлық жасаған екі күдіктіні ұстады. Ағымдағы жылдың мамыр айында Сарыағаш АІІБ-нің полиция бөліміне жергілікті тұрғын арызданған. Тұрғын арызында оның дүкеніне белгісіз тұлғалар ұрлық жасағандығы туралы хабарлаған. Оқиға орнына келген полиция қызметкерлері ұрылардың жәбірленушінің дүкеніне кіріп, ақша мен түрлі тауарлар ұрлап кеткенін анықтады.
Жедел-іздестіру іс-шаралары барысында Сарыағаш АІІБ-нің қызметкерлері дереу ОҚО тұрғыны күдікті ретінде екі азаматты ұстады. Тергеу барысында ұсталғандардың басқа адамдардың мүлкін ұрлауға қатысы бар екені анықталды. Барлық ұрлықтар бір схемаға сәйкес шабуылдаулармен жүргізілген.
Түнде адамдар болмаған кезде олар дүкендерді сындырып, ақшаны және басқа құнды заттарды ұрлап кетіп жүрген. Жәбірленушілердің келтірген шығыны шамамен 300 мың теңгені құраған. Қазіргі кезде осы фактілер бойынша алдын ала тергеу жұмыстары жүргізілуде.
