ТҮРКІСТАН: Қонақүйдегі кәмелетке толмаған қызға қатысты іс жан-жақты тергеліп жатыр

0
555

Полицейлер мен қыздың туыстары берген ақпаратта айырмашылық байқалады.


ТҮРКІСТАН: Қонақүйдегі кәмелетке толмаған қызға қатысты іс жан-жақты тергеліп жатыр

иллюстрациялық фото: ашық дереккөзден

Түркістандық полицейлер 6-қабаттан секірген қызға қатысты істі тергеп жатыр, деп хабарлайды ERNUR.KZ.


2023 жылдың 2 ақпаны күні Түркістан қалалық полиция басқармасының "102" тетігіне қонақ үй қызметкерлерінің бірінен ғимараттың 6-қабатынан жас қыздың секіргені туралы хабарлама келіп түскен. Бұл туралы облыстық полиция департаментінің баспасөз қызметі хабарлады.


"Оқиға орнына шыққан жедел тергеу тобы қажетті іс-шараларды жүргізді. Аталған жайт ҚР ҚК-нің 105-бабы 3-бөлігі "Өзін-өзі өлтіруге дейін жеткізу" бойынша тіркелді. Жас қыз Алматы қаласының тұрғыны болып шықты. Ол ауруханаға жеткізіліп, медициналық көмек көрсетілді", - делінген реси хабарламада.


Баспасөз қызметінің дерегіне сүйенсек, тергеу барысында оқиғаның қатысушыларынан, қонақ үй қызметкерлерінен жауап алынған. Сондай-ақ, қонақ үйдегі барлық бейнебақылау камералары да тексеріліп, заттай дәлелдемелер алынған.


"Қазіргі таңда жедел-тергеу шаралары жан-жақты атқарылуда. Тағайындалған сараптамалардың нәтижелері бойынша заңды процессуалдық шешім қабылданатын болады", - делінген ПД мәлімдемесінде.


Алайда, кәмелетке толмаған қыздың туыстар "бұл алдын-ала ойластырылған, ұйымдасқан топтың жасаған қылмысы" деп отыр.