Аудан көркейіп, бұқаралық спортты дамытуда көптеген игі істер атқарылып жатыр.
Сарыағаш ауданында 200 орынды спорт кешені ашылды, деп хабарлайды ERNUR.KZ.
Сарыағаш ауданында жыл санап халық қажеттілігі үшін көптеген ғимараттар бой көтеруде. Мемлекет басшысы Қасым-Жомарт Тоқаев ұлт саулығының кепілі-бұқаралық спортты дамытуға ерекше көңіл бөлуде. Халық игілігіне бағытталған әртүрлі бағдарламалар аясында аудан көркейіп, бұқаралық спортты дамытуда көптеген игі істер атқарылып жатыр.
Осы орайда, салауатты өмір салтын қалыптастыру бағытында бүгін ауданға қарасты Жемісті ауылдық округі, Жемісті елді мекенінде «Шынтас ұлы Бектан атындағы» жаңа спорт кешенінің салтанатты ашылу рәсімі өтті. 200 орындық спорт кешенде спортшыларға арналған төрт орындық шахмат үстелі, үш тенис үстелі, бір күрес алаңы бар.
Аталған спорт кешенінің ашылуына аудан әкімі Арман Абдуллаев қатысып, ауыл ақсақалы Құтынбек Аманбаймен бірге жаңа нысанның лентасын қиды.
Спорттық кешен халық игілігі үшін қызмет етсін деген ниетпен ауыл ақсақалдары жиналған қауымға ақ батасын берді.
