Екі басшы тағайындалды.
Апталық мәжілісте Түркістан қаласы әкімдігінде орын алған кадрлық өзгерістер жайлы айтылып, жаңа қызметкерлер таныстырылды, - деп хабарлайды ERNUR.KZ.
Түркістан қаласы құрылыс бөлімі басшысы болып Жандос Тасов, мәдениет бөлімінің басшысы болып Ғани Аманқұлов тағайындалды.
Тасов Жандос Қалмырзаұлы – 1987 жылы 22 қаңтарда Түркістан қаласында дүниеге келген. Халықаралық Білім Беру корпорациясының «Қазақ бас сәулет-құрылыс академия» Кампусында және Қ.А.Ясауи атындағы Халықаралық қазақ-түрік университетінде жоғары білім алған. Мамандығы бойынша Сәулет, Мемлекеттік және жергілікті басқару, Экономика және бизнес бакалавры.
Бұған дейін:
- «Градкомплекс» ЖШС-нің архитекторы;
- Түркістан қаласы әкімдігінің Сәулет және қала құрылысы бөлімінің инспекторы;
- Түркістан қаласы әкімдігінің Сәулет және қала құрылысы бөлімінің бас маман міндетін атқарушы;
- Түркістан қаласы әкімдігінің Сәулет және қала құрылысы бөлімінің бас маманы;
- Түркістан қаласы әкімдігінің Сәулет және қала құрылысы бөлімінің қала құрылыстық жобалар және сәулеттік жоспарлау секторының меңгерушісі;
- Түркістан қаласы әкімдігінің сәулет және қала құрылысы бөлімінің басшысы қызметтерін атқарған.
Ал Аманқұлов Ғани Ермаханбекұлы – 1987 жылы 21 мамырда қазіргі Түркістан облысы, Төлеби ауданы, Қасқасу ауылында дүниеге келген. Қ.А.Ясауи атындағы Халықаралық Қазақ-түрік Университетінде жоғары білім алған. Мамандығы бойынша экономист.
Бұған дейін:
- ОҚО апаттар медицинасы орталығы, Бухгалтер-экономист;
- ОҚО ішкі саясат басқармасы, Бас маман-бас ревизордың арнайы тексеру қорытындысы келгенше міндетін атқарушы;
- ОҚО ішкі саясат басқармасы, Бас маман-бас ревизор (негізгі маманның бала күтімі демалысы уақытына);
- ОҚО ішкі саясат басқармасы, Жастармен жұмыс жөніндегі бөлімнің бас маманы;
- ОҚО ішкі саясат басқармасы, Бас маман-бас ревизор;
- Шымкент қаласының әкімдігінің құрылыс бөлімі, Бас маман;
- ОҚО жастар саясаты мәселелері басқармасы, Статист маман;
- ОҚО жастар саясаты мәселелері жөніндегі басқармасының «Жастар ресурстық орталығы» КММ-і басшының орынбасары;
- ОҚО жастар саясаты мәселелері жөніндегі басқармасының «Жастар ресурстық орталығы» КММ-і басшының міндетін уақытша атқарушы;
- ОҚО жастар саясаты мәселелері жөніндегі басқармасының «Жастар ресурстық орталығы» КММ-і басшының орынбасары.
- «Нұр-Төре» ЖШС, Экономист;
- Шымкент қаласы әкімдігінің «Шымкент қалалық мәдениет үйі» МКҚК, Кадр жөніндегі инспекторы;
- Шымкент қаласы мәдениет, тілдерді дамыту және архивтер басқармасының «Шымкент қалалық мәдениет үйі» концерттік ұйымы» МКҚК, Директор орынбасары;
- Шымкент қаласы мәдениет, тілдерді дамыту және архивтер басқармасының «Шымкент қалалық мәдениет үйі» концерттік ұйымы» МКҚК, Директор міндеттін уақытша атқарушы қызметтерін атқарған.
Апталықты төрағалық еткен Рашид Аюпов:"Халыққа берген әр уәдемізді дер кезінде орындауымыз - міндет. Қажетті деңгейде өз міндетін орындай алмағандар қызметтен босатылады. Осыған орай, алдымызда қосымша кадрлық өзгерістер орын алуы мүмкін", - дей келе, сөзін қорытындылады.
