Автобустарда қалта ұрлығының алдын алу, жүргізушінің жол қауіпсіздік ережелерін сақтау, жүргізушінің қызметін бақылау үшін 3 бейнекамера орнатылған.
Түркістан қаласында №4 бағыттың автобустары жаңартылды, деп хабарлайды ERNUR.KZ.
Түркістан қаласында №4 бағытта қатынайтын автобустар жаңа қоғамдық көліктерге ауыстырылды. Жолаушылар үшін қолайлы орта қалыптастыру мақсатында жаңартылған қоғамдық көліктердің сыйымдылығы жоғары, сондай-ақ салқындатқыш жүйесімен және автоматтандырылған пандуспен қамтамасыз етілген. Автобустарда қалта ұрлығының алдын алу, жүргізушінің жол қауіпсіздік ережелерін сақтау, жүргізушінің қызметін бақылау үшін 3 бейнекамера орнатылған.
Аталған бағытта қатынайтын 6 жаңа автобус «М.Мақатаев көшесі – А. Юсупов көшесі, Р.Рахим мешіті» жол жүру сызбасы бойынша жүреді. Қазіргі таңда А.Юсупов көшесінде жөндеу жұмыстарының жүргізілуіне байланысты автобустар уақытша Хақназар хан көшесінен өтіп, Р.Рахим мешітіне дейін барады. А.Юсупов көшесіндегі жұмыстар аяқталысымен, жоғарыда аталған негізгі жол жүру сызбасы бойынша қатынайды.
