6 медаль иеленді.
Түркістан облысының тоғызқұмалақшылары Азия чемпионатында 6 медаль иеленді, деп хабарлайды ERNUR.KZ.
Моңғолияның елінің Баян-Өлгей қаласында зияткерлік ойын тоғызқұмалақтан VI Азия чемпионаты өтті. Додаға 10 елден 200-ге тарта спортшы қатысып, өзара мықтыларын анықтады.
Айтулы бәсекеге Түркістан облысының спортшылары да қатысып, 6 медальға қол жеткізді.
Әйелдер арасындағы тартыста Әсел Далиева классика бойынша күміс медальді өз атына жазса, рапид түрінде қолаға қол созды. Ал 19 жасқа дейінгі қыздар арасында Ақбота Намаздың мерейі үстем болды. Ол 2 алтын, 1 күміс медаьға ие болды. Классика және блиц түрінен алтын алса, рапид түрінде күміс медаль еншіледі.
Сонымен қатар тағы бір жерлесіміз Нұрсая Ұстазхан 14 жасқа дейінгі қыздар арасында сынға түсіп, қола медальді қанағат етті.
Осы жарысқа спортшыларды даярлауға тоғызқұмалақтан облыстың аға жаттықтырушысы Камила Көпбаева еңбек сіңірді.
