Қояншығы ұстаған бишіге мән бермеген танымал әнші сынға қалды – видео

ERNUR.KZ. Танымал хип-хоп орындаушының концерті кезінде бишінің қояншығы ұстап қалды, деп жазады sputniknews.

Әнші Игги Азалия Рио-де-Жанейродағы стадионда өнер көрсетіп жатып биші қыздардың бірі құлап қалғанын көрсе де, аса мән бермеген. Ол ән айтуды жалғастыра берген.

Бірақ бірнеше минуттан кейін зардап шегушіге көмек көрсету үшін концертті бәрібір тоқтатуға тура келді.

Азалияның тыңдармандары әлеуметтік желілерде әнді бірден тоқтатпағаны үшін оны мейірімсіз деп айыптап жатыр.

Орындаушы Instagram-дағы парақшасында неліктен ән айтуды жалғастыра бергенін түсіндірді. Айтуынша биші аяғын қайырып алған шығар деп ойлаған. Ол бишінің ыстық пен жарықтан есінен танып қалғанын атап өтті.