Конституцияға енгізілетін түзетулерге дауыс беру 26 сәуірге дейін жалғасады.
ERNUR.KZ. 19 сәуірде Өзбекстанда Конституцияның жаңа редакциясы бойынша референдумда мерзімінен бұрын дауыс беру басталды. Оған референдум күні тұрғылықты жерінде бола алмайтын азаматтар қатыса алады, деп жазады zakon.kz.
Конституцияға енгізілетін түзетулерге дауыс беру 26 сәуірге дейін жалғасады. Референдум өткізу бойынша учаскелер жұмыс күндері сағат 9:00-ден 18:00-ге дейін және мереке және демалыс күндері 12:00-ден 16:00-ге дейін ашық.
Бюллетеньде "Сіз "Өзбекстан Республикасының Конституциясы туралы" Өзбекстан Республикасының конституциялық заңын қабылдайсыз ба?" деген сұрақ жазылған және "иә", "жоқ" деген жауаптар бар.
Мерзімінен бұрын дауыс беруге референдум күні тұрғылықты жерінде бола алмайтын азаматтар қатыса алады.
Мерзімінен бұрын дауыс беру үшін дауыс беруші референдум өтетін учаскеге жеке басын куәландыратын құжатпен баруға тиіс.
Конституцияның жаңа редакциясы бойынша референдумның өзі 30 сәуірге жоспарланған.
