​Жұмыс арасында шаршау басып тұрған дұрыс

0
588

Денім сау, жұмысым өнімді болсын десеңіз, жұмыс арасында үзіліс жариялап, тынығып тұрған жөн.


​Жұмыс арасында шаршау басып тұрған дұрыс

фото: bm.img.com.ua

Бүгінгі таңда жұмыссыз жүрген адамды табу қиын-ақ. Әсіресе, бір орында тапжылмай, бір нүктеге қадалып отырып жұмыс жасайтындар көп. Тіпті, осындай ең жеңіл саналатын жұмыстың өзі адамды шаршатады. Егер ол ұзаққа созылатын бірсарынды шаруа болса, қандай да бір ағза жұмысына кері әсер етеді.

Бірақ, білесіз бе, жұмыс арасында кішкене үзіліс жасап, қарапайым ғана жаттығуларды жасау арқылы әжептеуір демалып алуға болады. Олардан соң бойыңыздан тап бір таңертеңгілік ұйқыдан енді тұрғандай сергектікті, тынығуды сезінесіз. Ендеше, не отырыс, дәл қазір үзіліс жариялап, жаттығу жасаңыз.


Қолыңыз талса:

Екі алақаныңызды бір-біріне қарқынды түрде ысқылаңыз. Алақаныңыздың қызуын сезген соң білезік буынын босаңсытып, қолыңызды 10 рет сілкілеңіз.


Арқа мен иық ауырып кетсе:

Тік тұрып, екі қолыңызды жоғары көтеріңіз. Аяқ ұшын көтеріп, барынша жоғарыға қарай тартылыңыз. Қолыңызды төмен түсіріп, бастапқы қалыпқа келіп, табаныңызды жерге тигізіңіз. Денені соза көтерілуді бірнеше рет қайталаңыз.

Екі қолды желкеге қойып, саусақтарды айқастыра ұстаңыз. Қолдарыңыз екі жаққа қарай барынша ашылған болсын. Ішті тартып, арқаңызды тік ұстаңыз. Осы қалыпта денені оңға-солға кезекпен-кезек бұрыңыз.

Орындықта отырған күйде екі иығыңызды төменге қарай түсіріңіз. Жаттығуды жасау кезінде бас пен иекті тік ұстаңыз. Осылайша иықты көтеру-түсіру қимылын қайталаңыз.

Оқи отырыңыз:

Сізге БАҚЫТ әкелетін не екенін білесіз бе?

Мойныңыз талып, басыңыз зеңісе:

Орындыққа отырыңыз. Арқаңызды ік ұстаңыз. Қолыңызды шынтақтан бүгіп, желкеңізге қойып, саусақтарды айқастыра ұстаңыз. Енді басыңызды барынша шалқайтып, мойын бұлшықеттеріне күш түсіріңіз. Осы қалыпта 10 сеукундтай отырып, содан соң басыңызды кеудеге қарай еңкейтіңіз. Қолдарыңызды түсіріп, көзіңізді жұмып, дене мен ойды барынша бос ұстап тағы 15 секундтай отырыңыз. Баяу да терең тыныс алыңыз. Жаттығуды үш-төрт рет қайталауға болады.


Көзіңіз талса:

Көзді қатты жұмып, бұлшықеттерін барынша жиырыңыз. Осы қалыпта 5 секунд тұрған соң көзіңізді қайта ашып, бұлшықеттерін босатыңыз. Араға 5 секуцндтан салып отырып, жаттығуды 6 рет қайталаңыз.

Көзіңізді жұмып 5 секунд отырыңыз да, ашқан уақытта көзді ақиландырып, екі қарашықпен бірдей кеңсірікке қараңыз.

1 минут бойы көзді жылдам ашып-жұму да жақсы көмектеседі.


Аяғыңыз талып, ұйыса:

Орындыққа отырған күйі аяғыңызды созып, тіктеңіз. Аяқ ұшын барынша алға қарай созып, тобық тұсындағы буынды қимылға келтіріңіз.

Орныңыздан тұрып, аяқ ұшымен тұру және табанмен толық тұру қалпын кезекпен-кезек қайталаңыз.

Қайтадан орындыққа отырып, аяқ бұлшықеттерін босаңсытыңыз.

Аяғыңызды түзу ұстап, еденнен аздап көтеріңіз. Осы қалыпта 5 секунд ұстаған соң түсіруге болады. Тағы 5 секунд демалдырғаннан кейін жаттығуды қайталаңыз. Қайталау саны – 5 рет.


Ұйқыңыз келіп, маужырасаңыз:

Орындықта арқаңызды тік ұстап отырңыз. Иекті жоғары көтеріп, екі қолды жанға жіберіңіз. Осы қалыпта арқа, мойын бұлшықеттеріне күш түсіріп, 10 секундтай отырыңыз. Содан соң денені босаңсытып, 10-15 секундтай тынықтырыңыз да, жаттығуды тағы да қайталаңыз.

Қанша жерден өмірдің мәні емес десек те, өмір сүру үшін қаражат керек. Оны табу үшін жұмыс керек. Онымен қатар денсаулық пен көңіл-күйдің жақсы болмағы да қажет. Бұл жағдайда жұмыс пен денсаулық екі кеме секілді. Екеуінің де басын қосып ұстағыңыз келсе, жұмыс арасында аталған жаттығуларды жасауды ұмытпаңыз.

Оқи отырыңыз:

Белгілі емші көз ауруларының алдын алатын жаттығулармен таныстырды

Аударған: А.Мейірханқызы,

ERNUR.KZ

Пікір қалдыруыңыз үшін сайтқа кіруіңіз қажет