Атыраудағы атыс: Бір адам ауруханада көз жұмды

ERNUR.KZ. Атырау облысындағы атыстан 36 жастағы ер адам ауруханада көз жұмды, деп жазады baq.kz

"30 қазан күні сағат 19:30 шамасында Атырау-Ақтөбе тас жолының 331 шақырымында Қызылқоға ауданы Сағыз ауылының маңында төбелес болды. Бес адам жарақат алып, біреуі қолын сындырған. Салдарынан 1985 жылы туған азамат Сағыз ауылындағы амбулаториялық ауруханада көз жұмды", - деді Атырау облысы ПД.

Қазіргі уақытта оқиға орнына өңірдің ПД тергеу-жедел тобы жұмылдырылды. Қылмыстық кодексінің 99-бабының 2-бөлігі («Адам өлтіру») бойынша сотқа дейінгі тергеу жүргізілуде.

Болжам бойынша, оқиғаның себебі ауыл тұрғындары арасындағы келіспеушілік болған.