Сол шамада мектеп директоры шақыртқан мұғалім сабақта болмай қалған.
ERNUR.KZ. Батыс Қазақстан облысында сабақ кезінде оқушы көзінен жарақат алды, деп жазады ҚазАқпарат.
Оқиға 6 мамыр күні Жаңақала ауданы орталығы Жаңақала ауылындағы №3 орта мектепте болған. Аудандық білім беру бөлімінің басшысы Елжас Қадыровтың айтуынша, сағат 8.40-тар шамасында 5-сынып оқушысы қаламын абайламай партаға лақтырған кезде ол кері ұшып барып сыныптасының көзіне тиген (бұлардың екеуі де - ұл).
Сол шамада мектеп директоры шақыртқан мұғалім сабақта болмай қалған. Сол бойда жарақат алған оқушыға мектеп медбикесі алғашқы жәрдем көрсетіп, одан аудандық ауруханаға жеткізілген.
«Қазіргі кезде көзінен жарақат алған оқушы облыстық көпбейінді балалар ауруханасында емделуде», - деді ҚазАқпарат тілшісіне Е.Қадыров.
Оқыс оқиғаның жай-жапсары анықталу үстінде. Еске сала кетейік, бұдан бұрын Жаңақала ауылында мектеп оқушысы автокөлік айдап кетіп, жолда аударылып қалды. Көлікте болған 17 жасар қыз кейін ауруханада көз жұмды. Осы оқиға байланысты қылмыстық іс қозғалған болатын.
