Жасалған іс-әрекет үшін заңмен 8 жылдан 15 жылға дейін бас бостандығынан айыру жазасы көзделген.
ERNUR.KZ. Павлодар облысы Тереңкөл ауылының тұрғыны азаматтық некеде тұрған әйелін өлтіріп, денесін жасыру мақсатында балтамен бөлшектеп, өзенге ағызып жіберген, деп жазады stan.kz.
Іс материалдарына сәйкес 2022 жылдың күзінде Тереңкөл ауылындағы пәтердің бірінде ер адам мен оның азаматтық әйелі арасында жанжал туындаған.
Ер адам әйелінің көмір сатып алуға қалдырылған 36 мың теңгені жұмсағаны үшін ұрыс-керіс шығарды. Жанжал барысында масаң күйдегі әйел ер адамға табамен соққы жасамақшы болған. Екіншісі жауап ретінде өлтіру мақсатымен әйелдің кеудесі мен дененің басқа бөлігіне жұдырықпен бірнеше рет соққы берді. Зардап шеккен алған жарақаттардан сол жерде қайтыс болды.
Келесі күні айыпталушы жасалған қылмысты жасыру мақсатымен әйелдің денесін бөлшектеп, кейіннен қаптарға салып, Ертіс өзеніне лақтырып жіберген.
Тергеу барысында ол кінәсін мойындап, бәрі қалай болғанын айтты. Сотта ол судьяны ешкімді өлтірмегеніне сендіруге тырысып, бәрін жоққа шығара бастады. Ал бірге тұрған әйелі оны тастап кетті деп ақталды.
Жасалған іс-әрекет үшін заңмен 8 жылдан 15 жылға дейін бас бостандығынан айыру жазасы көзделген.
“Істің мән-жайын және сотталған адамның жеке басын ескере отырып, оған 11 жыл бас бостандығынан айыру жазасы тағайындалды”,– делінген Павлодар облысы қылмыстық істер жөніндегі мамандандырылған ауданаралық сотының баспасөз қызметінде.
Үкім заңды күшіне енген жоқ.
