2022 жылғы 1 қыркүйектегі жағдай бойынша қазақстандықтардың саны 19 миллион 666 мың 800 адам болды.
ERNUR.KZ. Ұлттық статистика бюросының мәліметінше, жыл басынан бері халық саны 163,7 мың адамға немесе 0,8% өсті, деп жазады zakon.kz.
2022 жылғы 1 қыркүйектегі жағдай бойынша қазақстандықтардың саны 19 миллион 666 мың 800 адам болды. Бұл ретте 12 млн 131 мың 100 адам (61,7%) қалада, 7 млн 535 мың 700 адам (38,3%) ауылдық жерде тұрады.
Республика халқының табиғи өсімі 8 айда өткен жылдың сәйкес кезеңімен салыстырғанда 3,6% төмендеп, 172,4 мың адам болды.
АХАЖ мәліметтері бойынша, қаңтар-тамызда Қазақстанда 263,8 мың адам дүниеге келген. Бұл 2021 жылдың сәйкес кезеңімен салыстырғанда 11% аз. 1000 адамға шаққандағы туудың жалпы коэффициенті 20,19 туылды.
Сонымен қатар 91,4 мың адам қайтыс болды. Бұл өткен жылдың қаңтар-тамыз айларымен салыстырғанда 22,3% аз. Жалпы өлім көрсеткіші 1000 адамға шаққанда 7 өлім болды.
Сәби өліміне келсек, ол да 5,8% төмендеді. Өйткені республикада 2208 нәресте өлімі тіркелді. Жалпы нәресте өлімінің көрсеткіші 1000 туылғанға шаққанда 8,37 жағдай болды.
