Университеттің баспасөз қызметі ақпараттың рас екенін растады.
ERNUR.KZ. Алматыдағы Қазақ бас сәулет-құрылыс академиясы (ҚазБСҚА) студенттің менингиттен қайтыс болуына қатысты пікір білдірді, деп жазады tengrinews.kz.
Бұған дейін әлеуметтік желілер мен карта анықтамалық қызметтерде университет студентінің менингиттен қайтыс болғаны туралы ақпарат пайда болған.
Университеттің баспасөз қызметі ақпараттың рас екенін растады. Студенттің жатақханада тұрмағаны айтылады. Барлық байланыста болған адам (студенттер, мұғалімдер және әкімшілік) анализ тапсырған.
"Жағдай СЭС бақылауында. Университетте маска тағу режимі жарияланды", - деп қосты ҚазБСҚА.
