Павлодар облысындағы коронавирусқа қатысты мәлімет бұрмаланып берілген

31.03.2020 16:42

693

Павлодар облысында коронавирус жұқтырған 1 адам ғана тіркелген.

Денсаулық сақтау министрлігі Павлодар облысында коронавирус инфекциясын жұқтырудың екінші жағдайы туралы бүгін тараған ақпаратқа қатысты түсініктеме берді, деп хабарлайды ERNUR.KZ.

"Ол пациент ресми түрде Нұр-Сұлтан қаласында емделіп жатыр, алайда короновирус инфекциясын анықтауға қатысты күн сайынғы зерттеулердің көптігіне байланысты, аталған пациенттің сынамалары Павлодар облысына жолданған.

Осыған байланысты, қазіргі уақытта Павлодар облысында коронавирус жұқтырған 1 адам ғана тіркелгенін растаймыз", делінген Денсаулық сақтау министрлігінің ресми парақшасында.

Жалпы елімізде (2020 жылғы 31 наурызда сағат 16:30 бойынша) коронавирус тіркелгені туралы 336 жағдай расталған, олардың ішінде:
Нұр-Сұлтан қаласында – 176,
Алматы қаласында – 82,
Қарағанды облысында - 13,
Атырау облысында - 13,
Ақмола облысында - 10,
Жамбыл облысында - 3,
Шымкент қаласында - 2,
Шығыс Қазақстан облысында - 2,
Алматы облысында - 8,
Ақтөбе облысында - 3,
Солтүстік Қазақстан облысында - 2,
Павлодар облысында - 1,
Маңғыстау облысында - 1,
Қызылорда облысында - 18,
Батыс Қазақстан облысында - 2.