КӘУӘП, РАТАТУЙ, ПАЛАУ мен БАЛМҰЗДАҒЫ әлемге танылған қай елдер?

0
279

Бұл елдерге осынау танымал ас мәзірі үшін саяхаттап қайтуға болады. Әрине, тағамынан бөлек Сіз қызықтайтын орындары да жетерлік.


КӘУӘП, РАТАТУЙ, ПАЛАУ мен БАЛМҰЗДАҒЫ әлемге танылған қай елдер?

иллюстрациялық фото: ашық ереккөзден

Егер, Сізде осындай демалысқа барудың мүмкіндігі болса қай елді таңдар едіңіз? Бүгінгі мақалада осы сұрақтың жауабын табуға көмектесетін, яғни әлемдегі ең дәмді тағамдарды дайындайтын танымал бағыттар туралы ақпарат ұсынамыз.

Алдымен әлемдік аспаздықтың құпиялары туралы бірнеше кітаптарды оқып алған артық болмайды. Ол саяхаттаған кезде бұрын дәмін татпаған тағамдардың қалай дайындалатынын білуге көмектеседі.


Ас мәзірімен танылған елдерге саяхаттағыңыз келсе...

Әр адамның тағамға деген талғамы әртүрлі болуы мүмкін. Бірақ, мына тізімге әлемдегі бірегей орындар еніп отыр.


Франция

Франциядағы әлемге әйгілі Провансаль гастрономиясын жергілікті тұрғындар «Дю Солей э дюккер» — «күн мен жүректің асүйі» деп атайды. Ол Францияның оңтүстігінде орналасқан. Мұнда барған туристерге аспаздар балғындығымен ерекшеленетін буйабес (Марсель құлағы) немесе әдеттегі рататуй (әр көкөністің жеке дайындалуымен ерекшеленетін тағам) ұсына алады.


Италия

Еуропадағы аспаздық туризмнің тағы бір тамаша бағыты – Италия. Бұл елге барып, венециялық ризотто, Миланда дайындалған оссобуко, түрлі пасталар, ірімшік, трюфельдер, итальян шарабы, көкөніс, майға піскен және өте дәмді балық тағамдарын таба аласыз. Сондай-ақ, әлемге әйгілі итальяндық балмұздақтан да ауыз тиюге болады.


Америка

Америка Нью-Йорктегі аспаздық туризм және әлемдегі ең дәмді тағамдарымен мақтана алады. Бұл елге барып, әлем халқы сүйсіне тұтынатын жергілікті рулит, балық уылдырығы қосылған бутербродтар мен табиғи сусыдарды аз ақшаға сатып ала аласыз.


Мексика

Ашық аспан астындағы аспаздық туризм үшін Мексика - тамаша бағыт. Мексикадағы асханалардан шоколад қосылған моле мен севич, Оахака штатының атын шығарған Чапулинес және т.б. тағамдардан дәм татуға болады.


Таиланд

Ал, ащы тағамдарды жақсы көрсеңіз, Таиландқа саяхаттаған дұрыс. Бұл елдің асханасы түрлі дәмдеуіштер, бұрыштар қосылатын ас мәзіріне бай.


Испания

Испаниядағы аспаздық туризм дәстүрлі Каталон, Андалусия сияқты бірнеше бағытқа бөлінеді. Сондай-ақ, туристердің пікірі бойынша ең дәмді тағамдар – теңіз өнімдері екен.


Грузия, Тбилиси

Түрлі ет сұрыптары, дәмдеуіштері және еттен жасалған тағамдарымен әйгілі Грузин асханасы осы елдегі туризмнің маңызды бір бөлігі болып есептеледі. Оған дәлел ретінде мыңдаған туристер сүйсіне жейтін кавказдық кәуап, сациви, табак, чихиртма немесе чахохбили тағамдарын атауға болады.


Өзбекстан

Өзбекстан – аспаздық туризм үшін өте қолайлы ел. Жергілікті аспаздар пісіретін түрлі дәмді тағамдардың ішіндегі ең танымалы – өзбек палауы және палаудан кейін ұсынылатын көк шәй. Оның үстіне бұл елдегі заттар мен тағамдардың бағасы да біршама арзан.


Түркия, Стамбул

Стамбулдағы көшеде дайындалатын тамақтар - түрік мәдениетінің ажырамас бөлігі. Сондықтан, туристер көп баратын теңіз жағасынан қалағаныңызды тауып жей аласыз. Ал, ең танымал және дәмді тағамы – кокореч елдің аспаздық туризмінің басында тұр.


Германия

Германия бүкіл әлемге отандық шұжықтарымен танымал, сондықтан кез келген қала көшелерінде шұжық қосылған карривурст, қуырылған сарделька, тұздалған карри сияқты тағамдар сатылып тұрады. Сонымен қатар, туристер неміс фаст-фудына да оң баға береді.


Дайындаған: Б.Мейірханұлы,

ERNUR.KZ


Тағы оқыңыз:


ҚАРА ТЕҢІЗ жағалауы, РАУШАН ГҮЛІ ФЕСТИВАЛІ - Болгарияға саяхаттап көрдіңіз бе?


Мұхитқа саяхаттап, КИТТЕРМЕН бірге шомылуға болады

Пікір қалдыруыңыз үшін сайтқа кіруіңіз қажет