Шымкентте «Бала дауысы Super Live» атты концерт өтті

19.03.2021 14:10

2 917

Кеш барысында “Вальс королі “ атанған Шәмші Қалдаяқовтың әндері шырқалды.

Шымкент қаласында Наурыз мейрамы онкүндігі аясында «Бала дауысы Super Live» атты концерттік кеш өтті, деп хабарлайды ERNUR.KZ.

Наурыз мейрамы онкүндігі аясында ұйымдастырылған концерт мегаполситегі дарынды балалардың өнерін паш ету, оларға шығармашылық қолдау көрсетуге арналды.

«Бала дауысы Super Live» мерекелік думанында “жүзден жүйрік, мыңнан тұлпар” талант иелері мен би топтары қатысты. Атап айтқанда, халықаралық байқаулардың лауреаты “Вдохновение” би тобы, «Акварель» хоры, “Наз Қоңыр” скрипкашылар ансамблі, “Қарақат” мектеп-студиясы оқушылары, Владислав Пампуров және Апельсин Асабаева сынды талантты жастар өнер көрсетті.

Бағдарламада қазақтың халық әндері, күйлері, “Вальс королі “ атанған Шәмші Қалдаяқовтың әндері, Еуропа композиторларының классикалық және заманауи музыкалық шығармалары орындалды.

Айта кетейік, мәдени шарада барлық санитарлық нормалар сақталды.