Малайзиялық лоукостер күзде Қазақстанға рейс ашуы мүмкін

0
456

Қазақстандық мамандар Air Asia компаниясымен байланыс жасаған.


Малайзиялық лоукостер күзде Қазақстанға рейс ашуы мүмкін

ERNUR.KZ. Азаматтық авиация комитетінің төрағасы Талғат Ластаев малайзиялық Air Asia лоукостерінің Қазақстанға қашан ұшатынын айтты, деп жазады sputnik.kz.

Бүгін орталық коммуникациялар қызметінде өткен брифингте журналистер Air Asia туралы сұрады. Бұған дейін малайзиялық лоукостер Алматыдан Куала-Лумпур мен Бангокке рейс жасайды деген жоспар болған. Одан кейін кейін виртуалды хаб құрып, Ыстанбұл, Париж, Франкфурт және Лондонға ұшады делінген. Air Asia Азиядағы ірі бюджеттік компания болып саналады.
Талғат Ластаевтың айтуынша, қазақстандық мамандар Air Asia компаниясымен байланыс жасаған.
"Соңғы рет келіссөз өткізгенде компания өкілдері биыл күзде Қазақстаннан тікелей Куала-Лумпур мен Бангокке рейс ашуды жоспарлап отырғанын айтты. Неге көктемнен күзге ауыстырды? Оның да өз себебі бар. Біріншіден, өзіңіз білесіз, Қытай ашылды. Сол жаққа рейс ашуды жоспарлаған екен. Содан ұшақ жетіспей, бізге қатысты жоспар күзге жылжыды", - деді Ластаев.