Душанбеде бір отбасының 6 адамы ыс тиіп көз жұмды

0
242

Ерлі-зайыпты екеу мен олардың 4 баласының денесін көршілері тапқан.


Душанбеде бір отбасының 6 адамы ыс тиіп көз жұмды

ERNUR.KZ. Душанбеде алты адамнан тұратын отбасы ыс тиіп қаза болды, деп жазады azattyq-ruhy.kz.

Бұл туралы Тәжікстан үкіметі жанындағы Төтенше жағдайлар және азаматтық қорғаныс комитеті хабарлады.

«Бір отбасының алты мүшесі улы газдан қайтыс болды», - делінген хабарламада.

Ведомство мәліметінше, оқиға 28 ақпанға қараған түні Душанбенің солтүстігіндегі Фирдауси ауданында болған.

Asia-Plus порталының хабарлауынша, қаза тапқандар арасында 6 мен 11 жас аралығындағы төрт бала, сондай-ақ олардың әкесі мен анасы болған. Үй көмір жағатын пешпен жылытылған. Марқұмдардың денесін көршілері тауып алып, оқиға туралы жедел қызметке хабарлаған.