Көлік министрлігінде 50 қызметкер 55 компанияның құрылтайшысы болса, Мектепке дейінгі және мектептегі білім министрлігінде 37 маман 39 бизнеске иелік еткен.
ERNUR.KZ. Өзбекстанда мемлекеттік қызметте жүріп, кәсіпкерлік субъектілеріне иелік еткен 3 министрліктің 107 маманы анықталды, деп жазады inform.kz.
Көлік министрлігі, Мектепке дейінгі және мектептегі білім министрлігі мен Мәдениет министрлігінің басшылық лауазымдағы 107 қызметкері 116 кәсіпкерлік субъектісінің құрылтайшысы болғаны анықталды.
Өзбекстанның Сыбайлас жемқорлыққа қарсы іс-қимыл агенттігінің мәліметінше, Көлік министрлігінде 50 қызметкер 55 компанияның құрылтайшысы болса, Мектепке дейінгі және мектептегі білім министрлігінде 37 маман 39 бизнеске иелік еткен.
Бұған қоса, Мәдениет министрлігінің 20 еңбеккері 22 компанияның басшысы екені анықталды.
Агенттік аталған министрліктерге тиісті ұсыныс жолдап, мемлекеттік қызметшілерге ескерту жасаған. Қазіргі уақытта заң бұзушылықтарды жою бойынша жұмыс жүргізіліп жатыр.
Еске салайық, бұған дейін де Өзбекстанда кәсіпкерлік субъектілеріне иелік еткен министрліктердің 398 маманы анықталған болатын.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
