Сауд Арабиясы туристерге арнайы визаны іске қосады

0
573

Сауд Арабиясы 2029 жылы Азия қысқы ойындарын өткізуге дайындалып жатыр.


Сауд Арабиясы туристерге арнайы визаны іске қосады

ERNUR.KZ. Сауд Арабиясы "Expo 2030-ға" арналған арнайы визаны іске қосатын болды. Аталған құжат Дүниежүзілік көрмеге баратын туристердің жолын жеңілдетеді, деп жазады tengritravel.kz.

Сондай-ақ ел Үкіметі астанасы Эр-Риядты көрме алаңына айналдыру мақсатында 8 миллиард долларға жуық қаражат салатынын мәлімдеді. Шаһардың 6,6 шаршы шақырымды қамтитын бөлігі көрме өткізуге берілетіні белгілі болды.

2030 жылы Эр-Риядтағы дүниежүзілік көрмеге алты ай ішінде 40 миллион қонақ келеді деп жоспарланып отыр. Оның ішінде ауқымды іс-шараға жергілікті және халықаралық қатысушыларды қоса алғанда, көрмеге қайта келушілер де тартылады.

Айта кетейік, Дүниежүзілік көрмемен қатар, Сауд Арабиясы 2029 жылы Азия қысқы ойындарын өткізуге дайындалып жатыр.