ERNUR.KZ. Оңтүстік Корея соты 14 желтоқсанда парламентте импичмент жариялау нәтижесінде өкілеттігі тоқтатылған Корея Республикасының президенті Юн Сок Ёлды тұтқындауға және тінту жүргізуге ордер берді. Бұл туралы жоғары лауазымды тұлғаларға қатысты Сыбайлас жемқорлыққа қарсы тергеу басқармасы хабарлады, деп жазды inform.kz.
- Басқарма 31-і күні Юн Сок Елды қамауға алу және тінту жүргізуге ордер берілгенін растайды, - деп хабарлады ведомстводан.
Алайда онда кейінгі әрекеттер туралы шешім қабылданбағанын қосты.
- Одан әрі кесте анықталған жоқ, - делінген ведомство хабарламасында.
Yonhap ақпарат агенттігі басқарманың «ордерді жақын арада пайдаланады» деп шамалап отыр. Бұл - ел тарихында қазіргі президентті қамауға алу ордері шығарылған алғашқы жағдай. Юн Сок Ёлдың өкілеттігі Конституциялық сот шешімі шыққанға дейін тоқтатылды.
30 желтоқсанда Біріккен тергеу тобы Юн Сок Ёлды тұтқындауға ордер беру үшін Сеулдегі сотқа жүгінді. Біріккен тергеу тобының құрамына президенттің әскери жағдайды енгізуіне қатысты мән-жайды зерттеп жатқан басқарма, полиция және қорғаныс министрлігінің өкілдері бар.
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
![](/assets/thumbnails/43/439f126e001c1cb0b1c2f9a57b1f21df.jpg ""Жетім жігітке күйеуге тисем екен" деп армандадым"")
![](/assets/thumbnails/70/70b87f428f4765633c00531c56064f68.jpg ""Жүре алмай, қоштасып келдім": Жұлдызай Дүйсенбиева ауыр халге түскенін айтты")
