Үндістанда жолбарыс фермерді жеп қойды

0
225

60 жастағы Моханкара күндіз балық аулауға барып, кейін өз фермасына аттанбақ болған.


Үндістанда жолбарыс фермерді жеп қойды

Фото:depositphotos.com

ERNUR.KZ. Үндістанның Махараштра штатында жолбарыс егде жастағы фермерге шабуыл жасап, жеп қойған. Ер адамның денесін оның ұлдары орманнан тауып алған, деп жазады tengrinews.kz.

The Times of India порталы мәліметінше, 60 жастағы Моханкара күндіз балық аулауға барып, кейін өз фермасына аттанбақ болған. Алайда кешке үйіне оралмағаннан кейін ұлдары дабыл қағып, көмекке ауыл тұрғындарын шақырып, әкесін іздеуге шыққан.

Шамамен 23:00-де адамдар тобы бөлшектенген адамның денесін тапқан. Кейін оның Моханкара екені анықталды. Ол штаттағы жабайы жануарлардың 41-ші құрбаны болған.

Жергілікті тұрғындар бұл трагедияға орман шаруашылығы қызметкерлерін айыптады. Олардың айтуынша, ауыл маңында жолбарыстар мен қабыландардың бар екенін біле тұра, тиісті шараларды қолданбаған.

Ресми статистикаға сәйкес, 2022-2023 жылдары осы штатта жабайы жануарлардың шабуылынан 111 адам қаза тапқан. Оның 81-і жолбарыстардың, 18-і қабыландардың, ал қалған 12-сі басқа жануарлардың құрбаны болған.