Күдікті 1998 жылдың тамызында Павлодар қаласында тапаншамен және балтамен қаруланып, екі ағайындыға шабуыл жасаған.
ERNUR.KZ. Павлодарлық полицейлер ширек ғасыр бұрын қарақшылық жасаған күдіктінің тұрған жерін анықтады. 55 жастағы ер адам Ресейдің Грозный қаласынан табылды, деп жазады inform.kz.
Бұл туралы өңірлік полиция департаменті хабарлады.
«Криминалдық полиция қызметкерлері ресейлік әріптестерімен бірге Ресей Федерациясының Грозный қаласында тұратын 55 жастағы ер адамды ұстады. Тергеу мәліметтері бойынша, күдікті 1998 жылдың тамызында Павлодар қаласында тапаншамен және балтамен қаруланып, екі ағайындыға шабуыл жасаған. Соңынан Ниссан маркалы екі көлікті иемденген. Қылмыс жасағаннан кейін қашып кеткен», - деп мәлімдеді департаменттен.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
