Ақтауда шетел азаматы 114 апиын капсуласын жұтып, шекарадан өтпек болған

0
81

Биыл сәуір айынан бастап есірткі жеткізудің 9 халықаралық және 2 өңірлік арнасы жойылды, 1 фитозертхананың қызметі залалсыздандырылған.


Ақтауда шетел азаматы 114 апиын капсуласын жұтып, шекарадан өтпек болған

Фото: ҰҚК

ERNUR.KZ. Ұлттық қауіпсіздік комитеті есірткі құралдарының заңсыз айналымына қарсы жұмыстарды жалғастырып жатыр, деп жазады stan.kz.

Биыл сәуір айынан бастап есірткі жеткізудің 9 халықаралық және 2 өңірлік арнасы жойылды, 1 фитозертхананың қызметі залалсыздандырылған.

Ақтау қаласының әуежайында жалпы салмағы 1 келі 114 апиын капсуласын денесінде өткізуге әрекеттенген шетелдік азамат ұсталды. Ал елорда әуежайында Оңтүстік Азия елдерінің бірінен 12 келі гашиш майын жеткізген қазақстандық қолға түсті.

“Бұдан бөлек, ірі көлемдегі "көкнәр сабағын" контрабандалық жолмен алып өтіп, таратуға, шикізаттан есірткі жасауға қатысы бар деп күдікке ілінген қылмыстық топтың заңсыз әрекеті тоқтатылды”, – деп жазды Ұлттық қауіпсіздік комитеті.

Барлығы:

  • 3,4 келі апиын;
  • 9 келі гашиш;
  • 11,4 келі синтетикалық есірткі;
  • 18,5 келі гашиш майы;
  • 26,4 келі марихуана;
  • 110 г кокаин;
  • 20 тонна көкнәр сабаны;
  • 150 литрден астам прекурсор тәркіленді.
“Аталған құқық бұзушылықтарды жасады деген күдікпен Қазақстанның 23 азаматы және 3 шетелдік ұсталды. Аталған фактілер бойынша сотқа дейінгі тергеп-тексеру жүргізіліп жатыр. Қылмыстық-процестік кодекстің 201-бабына сай, өзге ақпарат жарияланбайды”, – деп мәлімдеді Ұлттық қауіпсіздік комитеті.