Алаяқтар “мұғалім“ болып мектеп оқушыларына қоңырау шала бастады

19.09.2025 11:48

121

Жаңа оқу жылы басталғалы бері алаяқтар балаларға қоңырау шалып, өзін мұғаліммін деп таныстырып жатыр.

Фото:depositphotos.com

ERNUR.KZ. Оқу-ағарту министрлігі мектеп оқушыларына қатысты алаяқтықтың жаңа тәсілі пайда болғанын ескертті, деп жазады tengrinews.kz.

Жаңа схема туралы

"Жаңа оқу жылы басталғалы бері алаяқтар балаларға қоңырау шалып, өзін мұғаліммін деп таныстырып жатыр. "Электрон күнделікті жаңарту" деген сылтаумен олар SMS арқылы келген бір реттік құпия кодты сұрайды. Бала оны ата-анасына немесе мектебіне көмектесіп жатырмын деп ойлауы мүмкін. Іс жүзінде алаяқтар осы кодты пайдаланып, "Электрон үкімет" жүйесіне, онлайн банкингке немесе туыстарының банк шоттарына қол жеткізеді", - деп жазылған хабарламада.

Ата-аналарға кеңес

Баламен әңгімелескенде ерекше мән беретін жайттар:

қандай жағдайда да SMS арқылы келген кодты ешкімге бермеу;
қоңырау шалған адам өзін мұғалім немесе мектеп қызметкерімін десе де, бірден ата-анасына хабарласу;
күдікті сілтемелерге өтпеу, бейтаныс қосымшаларды жүктемеу.