Алматы облысы аю талаған азамат мерт болды

ERNUR.KZ. Алматы облысында 41 жастағы Ресей азаматын аю талап, мерт болды. Қайғылы жағдай Алакөл ауданында болған, деп жазады Aikyn.kz.

«Бала күнінен Алакөл ауданындағы Лепсі ауылында тұрып келе жатқан 1979 жылғы Ресей азаматы достарымен бірге балық аулауға барған. Оқиға Ұлттық парктің аумағында болған. Әлгі азамат сол жерде борсықты көріп, артынан қуа жөнелген. Бірақ, артынша оның жанұшырған даусы естілген. Достары жеткенде ол қаңсырап жатқан. Сол маңда жүрген адамдар аюды көрген. Олардың болжамынша, әлгі аң борсық емес, аюдың қонжығы болуы мүмкін. Сірә, қонжығын қорғаған аю адамға тап берген болар. Жарақат алған ресейлік көз жұмды», – дейді бұл оқиға жайлы Алматы облысы әкімінің баспасөз хатшысы Ғалымұрат Жүкел.