Ер адамды өлтіру фактісі бойынша қылмыстық іс 7 қазанда тіркелген.
Ulysmedia коллажы
ERNUR.KZ. Алматы облысында «Твардовский дом» негізін қалаушы Владимир Тепляковтың өліміне байланысты қылмыстық іс қозғалды, деп жазады ulysmedia.kz.
Алматы облысы полиция департаментінің баспасөз қызметінің мәліметінше, ер адамды өлтіру фактісі бойынша қылмыстық іс 7 қазанда тіркелген.
Полиция қызметкерлері күдіктілерді ұстауға бағытталған қажетті тергеу және жедел-іздестіру шараларының кешенін жүргізіп жатыр
– Қазіргі уақытта оқиғаның барлық мән-жайы анықталып жатыр. Тергеу жалғасуда, – деп хабарлады ведомство.
Полицияның мәліметінше, тергеу барысы департамент басшылығының ерекше бақылауында. ҚР Қылмыстық-процестік кодексінің 201-бабына сәйкес, істің өзге мәліметтері жария етілмейді.
