Бұл туралы Алматы бойынша экология департаментінің басшысы Дінмұхамед Лесбеков мәлімдеді.
Фото: "Алматы ақшамы" газеті
ERNUR.KZ. Экологтар Есентай өзеніне тексеру жүргізіп, мұнай өнімдерінің шекті мөлшерден асқанын анықтады, деп жазады inbusiness.kz.
– Мамандар Есентай, Үлкен және Кіші Алматы, Ақсай, Басқарасу өзендерінің, сондай-ақ Сайран көлінің жағдайын зерттеді. Зерттеу нәтижесінде мұнай өнімдерінің мөлшері тек Есентай өзенінде ғана шекті деңгейден асқаны анықталды, – деді Дінмұхамед Лесбеков.
Жалпы жыл басынан бері Алматыда 125 экологиялық тексеру жүргізілген. Нәтижесінде 58 заңбұзушылық анықталып, оларды жою бойынша 28 нұсқама берілген және 165 әкімшілік хаттама толтырылған.
– Материалдарды қарау қорытындысы бойынша жалпы сомасы 34 миллион теңгеге жуық 162 әкімшілік айыппұл салынды. Оның 19,5 миллион теңгеден астамы өндірілді, – деп мәлімдеді департамент басшысы.
Бұдан бөлек, жекелеген заң бұзушылықтар бойынша сот айыппұл тағайындап, бір жағдайда кәсіпорынның қызметі 6 ай мерзімге тоқтатылды.
![](/assets/thumbnails/49/4906598b48540c5983e35016835c0389.jpg ""8 айлық баласы бар": Жетісу облысында 19 жастағы әйел анасымен бірге қамауға алынды")
