АШМ еттің қымбаттау себебін түсіндірді

ERNUR.KZ. Қазақстандықтар сиыр еті бағасының көтерілуіне алаңдаулы. Ауыл шаруашылығы министрлігі еттің түпкі бағасының қалай қалыптасатынын түсіндірді, деп жазады azattyq-ruhy.kz.

Баға қалай қалыптасады?

АШМ мәліметінше, 1 келі сиыр етінің орташа өзіндік құны 2 800–3 100 теңгені құрайды. Оған 15% көтерме үстеме қосылғаннан кейін баға 3 400–3 500 теңге деңгейінде қалыптасады.

Салыстыру үшін көрші елдердегі бағалар:

• Өзбекстан және Тәжікстан – 6 500 теңге/кг дейін
• Ресей – 8 500 теңге/кг дейін
• Қытай – 8 000 теңге/кг дейін
• Түркіменстан – 9 000 теңге/кг дейін
• Түркия – шамамен 13 000 теңге/кг

Неге еттің бағасы әртүрлі?

Баға тек өзіндік құнға ғана емес, ет бөлігінің категориясына да байланысты. Бір ірі қара малдың тірі салмағынан небәрі 50–60% ет алынады. Оның ішінде:

• 15–20% – премиум-сегмент (вырезка, рибай, кострец)
• 40–45% – орташа сегмент
• 25% – төменгі категория
• 15–20% – сүйек, май мен қиқым (нарықта ет ретінде сатылмайды)

Бағаны тұрақтандыру шаралары

АШМ сиыр еті нарығындағы бағаның шамадан тыс қымбаттамауы үшін бірқатар шаралар қабылдап жатқанын атап өтті:

• Мал ұстау алаңдары мен шаруашылықтарға жеңілдетілген несие беру;
• Ет өңдеуші кәсіпорындарды қолдау;
• Форвардтық сатып алу және интервенциялар арқылы нарықты тұрақтандыру;
• Антимонополиялық заңнаманың орындалуын күшейту.

Сонымен қатар, министрлік баға мониторингін тұрақты жүргізіп, өңірлік әкімдіктермен және сала ұйымдарымен бірге жұмыс істеп келеді.