БҚО-да 4 жасар бала құдыққа құлап кетіп, мерт болды

ERNUR.KZ. Батыс Қазақстан облысында 4 жасар қыз бала құдыққа құлап кетіп, көз жұмды, деп жазады ҚазАқпарат.

БҚО Төтенше жағдайлар департаментінің баспасөз қызметінен мәлім еткендей, оқиға 23 тамыз күні Жаңақала ауданы Жаңақазан ауылында болды.

Сағат 10.30-да ересектердің қарауынсыз қалған 2016 жылы туған бала жеке үйдің ауласындағы ашық тұрған, суы бар құдыққа (тереңдігі 2,5 метр) құлап, батып кеткен.

Қыздың денесін жергілікті тұрғындар сағат 10.40-та шығарып алды.

Бұл – Жаңақала ауданында биыл орын алған екінші қайғылы оқиға.

Еске сала кетейік, бұдан бұрын БҚО-да екі баланың құдыққа құлап, қаза тапқанын жазған болатынбыз.