Қазіргі уақытта Батыс Қазақстан облысында 15 жоба толық аяқталған.
ERNUR.KZ. Әлеуметтік нысандар салу және реконструкциялау жөніндегі Президент тапсырмасын жүзеге асыру аясында Батыс Қазақстан облысында 27 жобаны іске қосуға Арнаулы мемлекеттік қордан 17,7 млрд теңге бөлінді, деп хабарлайды Primeminister.kz.
Мемлекет басшысының тапсырмасына сәйкес жұмыстар жүргізіліп жатыр. Негізгі міндеттер – халықты сапалы ауыз сумен 100% қамтамасыз ету және ауылдағы денсаулық сақтау жүйесін жаңғырту.
Жүзеге асырылып жатқан жобалардың ішінде 11 сумен қамту жобасы бар, олардың іске қосылуы ауылдық елді мекендерді сапалы ауыз сумен қамтуды кеңейтіп, халықтың өмір сүру сапасын жақсартуға мүмкіндік береді.
Сондай-ақ 16 жоба ауылдық жерлерде алғашқы медициналық-санитариялық көмекті дамытуға бағытталған. Олардың қатарында Сырым, Ақжайық, Бөрлі, Жаңақала және Бәйтерек аудандарында фельдшерлік-акушерлік пункттер, дәрігерлік амбулаториялар мен медициналық пункттер құрылысы бар. Жаңа денсаулық сақтау нысандарының ашылуы ауыл тұрғындарын білікті медициналық көмекпен қамтамасыз етіп, аудандық ауруханалардағы жүктемені азайтады.
Қазіргі уақытта Батыс Қазақстан облысында 15 жоба толық аяқталған. Жыл соңына дейін тағы 10 нысан пайдалануға беріледі, ал қалған екеуін 2026 жылы аяқтау жоспарланып отыр.
![](/assets/thumbnails/80/8060544f5362d8e7447d8e9b392bdba1.jpg ""Мен "келін" емес, "қонақ" едім": бойжеткен жігітінің отбасымен танысқан күні шай құйғызғанын айтты")
![](/assets/thumbnails/6e/6e00e9b0715a31a0eb5022995d1387d7.jpg ""Балам үшін бар дүниемді әйелімнің атына жазып бердім": азамат қандай қателік жасағанын айтты")
![](/assets/thumbnails/59/5911bee68deab0e6c611bdc6bc38850e.png ""СТРЕСС ДАБЫЛЫ": оқушыға «көмек» керек екенін қалай білеміз?")
