Елорда әкімі орынбасарының әйеліне айыппұл салынды

ERNUR.KZ. Елордада карантинді бұзғаны үшін тележүргізуші және актриса Нұрбигүл Егізоваға айыппұл салынды, деп жазады Stan.kz.

3 мамырда елорда әкімінің орынбасары Алтынбек Қайсағалиевтың жұбайы шаштаразға тыйым салынғанына қарамастан сұлулық салонына барған.

Шаштараздың ресми ашылуынан бір күн бұрын Нұрбигүл Егізова сұлулық салонына барып, шашын бояп, сәндеген.

Ол бұл туралы өзінің Instagram парақшасында жазып, кейіннен кейбір желі қолданушылар жүргізушінің карантинді бұзғанына наразы болды. Сонымен қатар, Егізова - елорда әкімінің орынбасары Алтынбек Қайсағалиевтің әйелі.

Егізова әкімшілік құқық бұзушылық туралы кодекстің 476-бабы бойынша жауапкершілікке тартылды және оған 27780 теңге көлеміндегі айыппұл салынды, деп хабарлайды елордалық сот сайтында.

Тележүргізуші бұған дейін ешқашан әкімшілік құқық бұзушылық жасамағанын және айыппұл төлемегенін жазды.

"Шебер мені 3 мамырға шаш бояуға жазып қойды. Мен жәй ғана шашымды боядым. Оларды ашуға рұқсат етілгеннен бір күн бұрын мен салонға бардым. Мен ешқандай жаман нәрсе жасамадым. Кеше айыппұлды бірінші рет төледім. Жеке өз басым жүкті әйелді ренжітпеуге тырысамын, оның үстіне үйінде тағы бір кішкентай баласы бар. Мен басқаға зиян тигізетіндей ештеңе жасаған жоқпын. Оның үстіне Рамазан айында адамның адамға жаман дүниелер жасамақ түгелі, жазбас па едік! Жүрегіміз иманға толы болсын!", - деп жазды ол.

Бұл атақты адамдардың төтенше жағдайды бұзғаны үшін жазалануы бірінші рет емес.

Бұған дейін қазақстандық әншілер Арман Қоңырбаев, Ернар Айдар, вайнер Жеңіс Омаров және аралас жекпе-жекті насихаттау компаниясының президенті Анатолий Ким айыппұл салған болатын.