Бұл шара мереке қарсаңында коронавирустың одан әрі таралуына жол бермеу мақсатында енгізіліп отыр.
ERNUR.KZ. Нұр-Сұлтан қаласының бас мемлекеттік санитар дәрігері Сархат Бейсенова қалада шектеу және карантин шараларын күшейту туралы жаңа қаулы қабылдады, деп жазады sputnik.kz.
Қаулыға сәйкес, 15 қарашадан бастап сауда және ойын-сауық орталықтарына жұмыс және демалыс күндері тек "жасыл" статус алған адамдар ғана кіре алады.
Санитар дәрігер әкімдікке сауда және ойын-сауық орталықтарының жұмысын күшейтілген санитарлық-эпидемияға қарсы, санитарлық-профилактикалық іс-шараларды сақтай отырып ұйымдастыруды тапсырды. Қызметкерлер мен келушілердің қауіпсіз "жасыл" статусы болған жағдайда (тұрақты медициналық қарсы көрсетілімі бар адамдарды қоспағанда) сауда орталықтары жұмыс және демалыс күндері тұрақты режимде жұмыс істейді.
"Бұл шара сауда және ойын-сауық орталықтарында үй карантинін бұзатындардың көптеп тіркелуіне байланысты, сондай-ақ елордадағы тұрақты эпидемиологиялық жағдайды сақтау және мереке қарсаңында Нұр-Сұлтан тұрғындары арасында коронавирус инфекциясының одан әрі таралуына жол бермеу мақсатында қабылданды", - делінген хабарламада.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
