Енді Ресей заңын бұзған өзбекстандықтар Қазақстанға да кіре алмайды

0
172

Өзбекстан билігі өз азаматтарына үндеу жасады.


Енді Ресей заңын бұзған өзбекстандықтар Қазақстанға да кіре алмайды

ERNUR.KZ. Өзбекстанның Сыртқы істер министрлігі Қазақстанға баруды жоспарлап отырған азаматтарға қатысты үндеу жасап, көршілес елдің заңдарын қатаң сақтауға шақырды, деп жазады inbusiness.kz.

Қазақстанға келу-кету ережелеріндегі жаңашылдыққа байланысты сыртқы істер министрлігі Қазақстанға келетін Өзбекстан азаматтарына барлық қажетті құжаттарды өзімен бірге алып жүруді ұсынады.

“Ресей Федерациясында болған кезде тәртіп бұзса немесе айыппұл төленбесе, Қазақстан билігі Өзбекстан азаматының Қазақстанға келуіне немесе одан шығуына тыйым салу туралы шешім қабылдауы мүмкін", – делінген хабарламада.

Сыртқы істер министрлігі Өзбекстан азаматтары өзбек-қазақ немесе ресей-қазақ шекарасын кесіп өткен кезде Қазақстанға ғана емес, Ресей Федерациясына да кіруге ешқандай кедергілердің жоқтығына алдын ала көз жеткізуі керек екенін атап өтті.

7 мамырда Тәжікстанның сыртқы істер министрлігі де өз азаматтарына Қазақстанға аттанар алдында барлық қажетті құжаттарды алуды ұсынған еді.

"Қазақстанның халықаралық әуежайларында енгізілген күшейтілген қауіпсіздік шараларына байланысты сыртқы істер министрлігі Тәжікстан азаматтарына Қазақстанға аттанар алдында өздерімен бірге барлық қажетті құжаттарды алуды ұсынады", – делінген хабарламада.