Қарағанды облысында шахтада апат болды

03.11.2022 08:12

1 100

4 кенші қаза тапты. Оқиға болған кезде шахтада 106 қызметкер болған.

ERNUR.KZ. Бүгін түнде Қарағанды облысы, Шахтинск қаласында Ленин атындағы шахтада апат болды. Нәтижесінде 4 кенші көз жұмды, деп жазады ҚазАқпарат.

3 қараша күні сағат 3.03-те «Арселор Миттал Теміртау» АҚ Көмір департаментінің Ленин атындағы шахтасында апат болды.

«Оқиға болған кезде шахтада 106 қызметкер болды, 101 адам жер бетіне көтерілді. 5 адам (бағаналы бөлік жұмыскерлері) көтеру торларының жұмыс істеуі үшін қалды», деп мәлімдеді әкімдікте.

Қазіргі уақытта шахтаның 4 қызметкерінің денесі табылды, 4 адам жер бетіне шығарылған соң Шахтинск қаласының Орталық аудандық ауруханасына жатқызылды.

Оқиға орнында облыс әкімі, қала басшысы және компания жетекшілері, «Көмір» ӘҚҚҚ авариялық-құтқару қызметі жұмыс істеп жатыр.