​Қарағандыда қонаққа келген ер адамның көлігін ұрлаған әйел ұсталды

ERNUR.KZ. Қарағандыда көлік ұрлаған әйел ұсталды, деп жазады polisia.kz.

6 желтоқсан күні сағат 23.00 шамасында Қарағанды қаласының ПБ Оңтүстік-Шығыс ПБ-не Мұқанов көшесіндегі көпқабатты үйдің ауласынан белгісіз біреу көлік ұрлап кеткені туралы хабарлама келіп түскен.

Оқиға орнына жақын жерде болған Қарағанды қаласының ПБ патрульдік полиция полкінің жеке құрамы ұрланған көлікті іздестіруге кірісті. Жәбірленуші – 47 жастағы ер адам досына қонаққа келіп, көлікті үйдің алдына қалдырған. Көп ұзамай көшелердің бірінде полицейлер іздеудегі көлікті тапты.

Көлікті басқарған 26 жастағы әйел көлікті жүргізіп көргісі келгенін айтып, кінәсін мойындады. Көлік зардап шеккен тарапқа қайтарылды.

ҚР Қылмыстық кодексінің 200-бабы (Автокөлікті ұрлау мақсатынсыз заңсыз иемдену) бойынша қылмыстық іс қозғалды. Қазіргі уақытта тергеу амалдары жүргізілуде.