Кәсіпкер Бақыт Ибрагим өлі күйінде табылды

ERNUR.KZ. Жуырда ғана бостандыққа шыққан кәсіпкер Бақыт Ибрагим өлі күйінде табылды, деп жазады Stan.kz.

Алматы қалалық полиция департаменті ақпаратты растады.

"Аталмыш факті бойынша "өзін-өзі өлтіруге итермелеу" бабы бойынша қылмыстық іс қозғалды. Сараптама тағайындалды. Оқиғаның мән-жайы анықталуда", – делінген хабарламада.

Еске салсақ, 2020 жылдың қарашасында Qazaq Banki-дің бұрынғы акционері Бақыт Ибрагим Bank RBK қаржысын жымқырғаны үшін кінәлі деп танылып, 8 жылға бас бостандығынан айырылған еді. 2024 жылдың ақпан айында Ибрагимнің тергеу изоляторында болған уақыты ескеріліп, жазасын толық өтеген соң түрмеден босатылғаны белгілі болды.

БАҚ-тағы ақпаратқа сүйенсек, Бақыт Ибрагим Алматының экс-әкімі Бақытжан Сағынтаевтың бұрынғы күйеу баласы.